НЕ за францускиот предлог!

Бугарија не го спори постоењето на Македонска нација ниту на Македонска држава, впрочем таа и прва ја призна независноста на Македонија!

Бугарија го спори постоењето на Македонскиот НАРОД како конститутивен елемент во Македонската нација, како и неговата посебност каде и тој да живее во светот тврдејќи дека истите се бугари!

Со тоа ја спори и засебноста на Македонскиот јазик, сведувајќи го на бугарски дијалект!

Доколку сега го прифатиме т.н. француски предлог ќе се доведеме во состојба да во текот на преговорите дојде момент кога Бугарија ќе побара Македонската нација да се дефинира во македонскиот Устав како нација составена од бугари, срби, албанци, турци, роми, власи, црногорци, хрвати... се освен МАКЕДОНЦИ!

Со тоа како и сега, сите ќе бидеме Македонци по нација, но етнички бугари (или нешто друго)!

Поедноставно од ова не можам!!!

Дипломатските грешки на северна Македонија во евроинтеграцискиот процес

Чекав малку да спласне еуфоријата и разочарувањата од т.н. „тешка геостратешка грешка“ со ветото кое Бугарија го стави на процесот за започнување на преговорите на северна Македонија (не нашата земја) и да го изнесам своето скромно видување на процесот и случувањата кои претходеа за да дојдеме до тука!

Ќе го поделам овој текст во три дела за да поедноставно дојдам до поентата!

ДЕЛ I - Хронологија на настаните

Најпрво би сакал хронолошки да започнам со случувањата по ред од формирањето на владата од страна на Зоран Заев на 31 мај 2017тата.

Прв чекор во целиот хаос во затворањето на „македонското прашање“ како главна цел на Заев, а со цел зачленување на Македонија во НАТО и започнување на преговорите со Европската Унија беше потпишувањето на т.н. „Договор за добрососедство“ помеѓу Македонија и Бугарија на 1 ви август 2017тата од страна на Заев и Борисов. На потпишувањето на овој договор му претходеа повеќегодишни преговори помеѓу двете земји кои ги имаше започнато владата на ВМРО-ДПМНЕ предводена од Никола Груевски, но бидејќи двете страни не отстапуваа од своите ставови околу ревизијата на историските факти, неговото потпишување и ратификација остана да чека „подобри времиња“. И дојде тоа време и се најде „јунакот“ кој ќе го потпише од „македонска“ страна. Заев „го удри парафот“, но како што деновиве ги гледам неговите реакции, мислам дека човекот го нема ниту прочитано, или пак го прочитал ама не го разбрал (што е полошо)!

По ова следеше потпишувањето на т.н. „Преспански договор“ на 17ти јуни 2018та во селото Нивици на брегот на Преспанското езеро од страна на министрите за надворешни работи на Македонија и Грција, Никола Димитров и Никос Коѕијас.

Заев очигледно не сфати какви обврски наметнува на Македонија со потпишување на договорите, па мислеше дека се ќе заврши со „простата насилна операција“ за преименување на државата во северна Македонија!

Светот по првата пандемија на CoVid-19

Оваа година ја започнавме со информација на вестите за „некаква си болест“ во еден „не толку голем и битен“ кинески град, Вухан, град со скоро 9 милиони жители, главен град на кинеската провинција Хубеј. И додека пред нецели три месеци сето ова ни изгледаше како нешто многу далечно и целосно безопасно за нас, веќе неколку дена таа болест е наша реалност.

Болеста од типот на корона вируси која го доби името CoVid 19 (Ковид 19) од локален кинески проблем многу брзо прерасна во пандемија и стана светски проблем. CoVid 19 преку Италија со молскавична брзина се шири низ цела Европа.

CoVid 19 - статистика во живо

Линкови:

WORLDOMETER

KORONA.MK

Влада на МАКЕДОНИЈА

BING

GDI

Каков крај!!!

Уште од моментот кога Зоран Заев дојде на власт, без изборна победа, со милиони калкулации и со заклетва дека не постои никаква „тиранска платформа“ и нема да има никаква промена на името и она што е пострашно, задирање во националниот идентитет на Македонците реков дека крајот нема да му биде убав! Оние кои силно веруваа во него а не се членови на СДСМ или барем не на раководните структури ми кажуваа дека мозокот ми е испран и дека конечно земјата „ќе ја биде“, конечно сме „на прав пат“!!!

Денес истите тие личности ги гледам како воопшто не сакаат да зборуваат за политика! Луѓето кои велеа „важно е Грујо да не биде, да го бутнеме режимот па после ќе му ја мислиме“ денес биле аполитични!

Сигурно не го очекувавте ова?!

Сигурно очекувавте дека на Грујо ќе му се суди за милионски профити од тендери, криминали со кои присвоил огромни суми пари за себе, а не дека ќе му се суди за тоа што купил државен „мерцедес“ кој Заеви „го убија“ од возење, не за некакви наводни нарачани шамари кои никогаш не се случиле и не за ред други глупости!

Каде е овде расчистувањето со криминалот, борбата против фамилијата од режимот?!

За нивна несреќа или среќа, истите тие кои беа посочувани како носители на режимот, денес се најблиски бизнис соработници или логистичари на Заев!

Деновиве Европа ја тресе новата афера со изборниот поткуп на Заеви од 2014 година!!!

Дали е ова правдата која ја чекавте?! Дали сте свесни дека со омразата кон ВМРО создадовте услови денес Македонија да биде многу помалку држава а многу повеќе територија и поле за остварување на бизнис интересите на Заеви и останати криминални групации?!

Дали е ова крајот кој што го очекувавте?!!!