За Македонската енциклопедија!

Пред околу две недели МАНУ ја објави првата енциклопедија издадена од нејзина страна! По повеќе од половина век постоење уважените господа собраа сили да напишат енциклопедија (која за разлика од онаа на Велија е напишана од највисоката државна научна установа, така да не би сакал да коментирам за пропагандата која тој и неговата псевдо фондација ја водат) и да ги вметнат своите научни сознанија и заклучоци во неа!

На мое големо разочарување морам да констатирам дека енциклопедијата е навистина разочарувачка! Најпрво ќе почнам да набројувам факти а потоа и да ги коментирам!

Како прво, во енциклопедијата стои дека Македонците (односно мнозинскиот народ во денешна Република Македонија) се народ со словенско потекло! Ако ја земеме оваа теорија за точна тогаш мислам дека веќе сме го решиле нашиот проблем со името! Всушност и Грците, но и Бугарите и Албанците и сите други кои го оспоруваат нашиот национален идентитет и не нарекуваат славо Македонци немаат проблем со името на државата туку со идентитетот на народот, односно тие тврдат дека сме славјански народ населен на територија на Македонија, или како што Бугарите тврдат Бугари населени на територија на Македонија.

16ти Септември, денот на големите очекувања!

Денес е 16ти Септември, ден на кој пред 7 години огромен број Македонци се радуваа затоа што дошол Бранко на власт, ама сега бил променет ја научил лекцијата за овие 4 години (иако и тој беше во коалиција со Љупчо во широката владина коалиција, што значи дека не биле 4 години опозиција) па ете сега ќе не оправи, ќе не бидне колку-толку! Бранко настапи со ветувања кои изгледаа многу реални, а најважно од се вети по ЕДЕН ВРАБОТЕН ОД СЕКОЕ СЕМЕЈСТВО!!! Не дека ветувањата не беа реални, туку едноставно Б. Ц. и компанија имаа побитна работа од спасувањето на Македонскиот народ од тешката економска состојба, остатокот од приказната го знаете! Овој народ нема да дозволи да му се се случи уште еден 15ти Септември, нема да дозволи некој да мисли дека постојано може да го лаже и да помине неказнето, а покрај тоа и да извлече огромна финансиска корист од тоа! Неможе секој во СДСМ да носи одговорност и Бучковски и Шекеринска и многу други само Бранко не, па уште сега и да нуди РЕШЕНИЈА! Во меѓувреме, Македонија е прогласена за 3 економски реформатор во светот и за 32 земја со најдобра бизнис клима, додека ВИЕ цело време говорите за лошата економска состојба и му кажувате на народот како ќе ја оправите работата КАКО ВО ВАШЕ ВРЕМЕ!!! На народот му доста од ВАС! Не само што сте бајати туку сте и прочитани! Она што знам е дека на Македонија и треба силна конструктивна опозиција, но исто така знам дека тоа не сте ВИЕ!!!

с. Стрновац, Општина Старо Нагоричане

Малку слики од с. Стрновац и с. Старо Нагоричане, Кумановско каде што вчера прошетав. Стрновац е селото каде е роден мојот дедо и немав појдено од летото 2002, значи полни седум години. За ова село можеби сте слушнале за бањата која ја има во него на која јас не обрнав поголемо внимание, се надевам дека ќе ви се допаднат сликите!

Падот на Византија vs Падот на Европа

Пред 556 години згасна една од Империите со најголем „стаж“ во нам познатата човекова историја, згасна Византија која по падот на Рим во 476 година со својот центар во Константинопол продолжи да постои скоро еден милениум, а сите знаеме што значи 1000 годишен државен континуитет, но како продолжител на Римската Империја како што и самата се нарекува односно како прави Ромеи односно Римјани таа всушност е држава со повеќе од 22 вековна традиција!

Која беше причината за падот на Византија, дали тоа беше економски односно финансиски крах, дали беше крах на политиката, дали Империјата веќе не можеше да го издржи притисокот од т.н. варварски племиња на своите граници или пак опаѓањето на наталитетот на некои свои покраини, клучни за одбраната на Империјата со текот на децениите го земаа својот данок?! Мое мислење е дека сето ова заедно допринесе за падот на Византија односно на Константинопол како нејзино последно упориште!

Национална припадност: КОМУЊАР!

Веќе неколку пати имам пишувано за конструкциите и обвинувањата кои т. н. социјал демократи ги испорачуваат на сметка на Владата, а најмногу на сметка на ВМРО-ДПМНЕ! Денес пак ќе пишувам за нешто околу тоа, но во правец на нивните обвинувања за бугаризација, па од пред година и половина за “антиквизација” и од пред пар месеци за србизација на Македонија!

Обвинувањата за т. н. “антиквизација”, термин кој го измислија нивните “брилијантни” умови, според некој носела поделба на македонското национално ткиво на античко и словенско и народот се делел, а за сето тоа била виновна владата бидејќи го антиквизирала народот и историјата, а ние демек сме биле словени, како што самиот Киро Глигоров има изјавено во една прилика!

Ако сме само словени, како што тие тврдат, па нели и ние и нашите источни соседи кои го тврдат истото за себе а носат име на едно племе од монгло-турската група на народи (Бугари) сме во заблуда, нели ние словени, тие словени, а носиме имиња од туѓи народи, тогаш Србите се во право, сите ќе испаднеме Срби, но дали е така?!

Ристовски: Ние сме доминантно словенски народ

Во денешните Македонци сигурно има и некоја капка античка крв, но ние сме доминантно словенски народ, вели за А1, академик Блаже Ристовски.

По доселувањето на Словените, според него, почнал процес на природна асимилација на затекнатото население, како впрочем и кај соседите. Ристовски предупредува дека постојаното инсистирањето на античките корени може да предизвика разнебитување на нацијата..

„Веќе нашата маса како да се цепи. Тоа е судбоносна работа, а нема зошто. Ние сме словенска нација, тука не треба да има дилеми. Сите овие други теории што се вадат сега, се без научна почва, без резон, но имаат политички профит“, изјави Блаже Ристовски, академик.

Авторот на тезата дека Македонците се доминантно потомци на античкиот етнос, историчарот Панов, вчера тврдеше дека неговите нови сознанија изнесени во Историјата на македонскиот народ се засновани исклучиво на научни докази.

„Античките Македонци не исчезнале, туку продолжиле да учествуваат во процесот на симбиозата со Словените и да пренесуваат дел од нивните традиции, коишто се според мене, постепено присвојувани од страна на населените Словени, идентификувани како Македонски Словени“, вели Митко Панов.

Според академик Ристовски, најголем доказ дека Македонците се Словени е јазикот – едно од основните обележја на еден народ.

„Тие антички Македонци, засега барем, не ни посведочиле за карактерот на својот јазик. Се знае дека тој не бил грчки, дека тие не се сметале за Грци, и Грците не ги сметале за своеродни грци, меѓутоа нивниот јазик е останат само со имиња“, вели Блаже Ристовски.

Ристовски апелира политиката да ги тргне рацете од историјата, а на граѓаните им препорачува повеќе да читаат, за да не може лесно да бидат манипулирани.

Реакција на историчарот Панов

Посочениот автор на историјата на Македонија Митко Панов, по тезите изнесени од Ристоски излезе со дополнителна интерпретација.

Во неа се вели дека ниту во текстот на историјата на македонскиот народ, ниту во неговите изјави, не е наведено дека станува збор за „етничка доминација“ на Античките Македонци по населувањето на Словените во Македонија и процесот на взаемната симбиоза кој природно уследил во наредниот период.

Најенергично ги демантирам наводите на академикот Ристовски, дека во случајот станува збор за политички влијанија или добивање на „политички профит“.

Панов бара да се остави настрана политиката и личните дисквалификации и конечно да се проговори со аргументи и историски факти.

Превземено од А1

МОЈ СТАВ ЗА ПРАШАЊЕТО

НОВИТЕ ЛИЦА ВО СДСМ

Бранко Црвенковски се врати во СДСМ и вети дека ќе и даде ново лице на партијата, дека ќе ја реорганизира и дека ќе ја донесе до победа на следните избори што е легитимно право и цел на секоја политичка паритија!

Јас во овој текст не мислам да расправам за наводните нови лица во СДСМ, јас сакам да запрашам како е возможно сите во СДСМ да бидат виновни и да сносат одговорност освен лидерот, сите освен Црвенковски?!!!

Јас би им дал совет на СДСМ да направат анкета помеѓу граѓаните за тоа кого сметаат граѓаните за нај виновен за состојбата во која се наоѓа Македонија во последните две децении и убеден сум кој ќе биде одговорот на мнозинството граѓани!

Транзицијата трае скоро две децении, таа е нешто што за мене е исто што и детство исто што и пубертет, исто што и сегашност, таа е процес кој едвај чекам да заврши, но најмногу од СЕ за мене транзицијата е Бранко Црвенковски, лице кое одамна требаше да му се придружи на Љупчо Георгиевски и да стане политички пензионер!!!

Се надевам дека СДСМ ќе ја разбере хипотеката која Бранко Црвенковски ја носи со себе и конечно ќе расчисти со СИТЕ транзициони политичари во своите редови!

За потеклото на Македонците и демагогијата на политичарите

Веќе подолго време мислам да објавам еден ваков текст во кој ќе ја покренам темата не за потеклото на денешните етнички Македонци, мнозинскиот народ во денешната Република Македонија туку за демагогијата на некои политичари, за искривувањето на фактите и нивно премолчување заради потребата на актуелните политички случувања.

Како прво, сакам да расчистам една работа за да не мора тоа прашање да се провлекува во целиот текст а тоа е прашањето за етногенезата односно потеклото на денешните Македонци односно моето гледање по тоа прашање! Мислам дека на секој нормален човек му е јасно дека во етногенезата на денешните Македонци имаат учествувано многу народи кои поминале на Балканот низ вековите и дека лудило е да се мисли дека за повеќе од 2000 години во етничката структура на овој народ се нема променето ништо исто како што тоа го прават денешните Грци со своето наводно античко потекло!

ЗАБРАНЕТО ЗА ЕТНИЧКИ МАКЕДОНЦИ!!!

Законот кој беше донесен со цел да се стимулира наталитетот во општините со наталитет помал од 2,1‰ од Уставниот Суд е оценет како дискриминаторски и донесена е одлука тој да важи на територијата на цела Република Македонија, односно префрлена е одговорноста на Владата за поништување на законот бидејќи е сосема сигурно дека буџетот нема да може да го издржи тоа! Јас би побарал јавно од Уставниот Суд да се поништат и законите за позитивна дискриминација на сите малцински заедници во Република Македонија со кои малцинствата добиваат можност на бесплано студирање иако нивниот просек заостанува многу зад Македонците кои си плаќаат регуларно за студиите, законите со кои со позитивна дискриминација им се овозможува на кадри кои се помалку квалитетни односно на интервјуата имаат далеку помалку поени од кандидатите Македонци да добијат работно место само затоа што се припадници на некое малцинство и уште ред други примери на т. н. ПОЗИТИВНА ДИСКРИМИНАЦИЈА!!! Јас како граѓанин на Република Македонија се чуствувам ДИСКРИМИНИРАН само затоа што сум Македонец!!! Мислам дека е редно време да си ги побараме своите права како мнозинство и да не дозволиме некои т. н. невладини организации да го бранат правото само на некои малцински групации како етнички, така и сексуални, па и на некои групи со криминално однесување!!! Време е и обичните Македонци да ги добијат своите права во Република Македонија!!!

Двојниот аршин на левичарите во врска со националниот идентитет!!!

За време на протестите против промена на уставното име на Република Македонија пред околу 9 месеци една личност со либерално левичарско убедување (ако таков навистина постои во државава) ми велеше дека ВМРО-ДПМНЕ е онаа која ќе го предаде Македонскиот национален идентитет и дека мнозинството од раководството на ВМРО-ДПМНЕ има според него бугарска национална свест!!! Јас џабе се трудев да го разубедам дека ВМРО-ДПМНЕ е партијата која е чувар на Македонскиот национален идентитет!

Тој прашуваше: Каде ви се сега знамињата со сонцето од Кутлеш, или него го вадите само да го лажете народот, а по 1998 исчезна и мавтате само со црвено-црното знаме на Ванчо Михајлов!

Јас му одговорив: Тоа не е знаме на Ванчо Михајлов туку на ВМРО а сонцето од Кутлеш како и лавот на црвена подлога се етнички Македонски знамиња односно симболи!

Сепак неоснованата расправија продолжи. По само неколку месеци откако Владата на ВМРО-ДПМНЕ и Премиерот Груевски покажа и докажа дека е цврсто убедена за зачувување на чисто Македонскиот национален идентитет од истиот тој и сличните на него левичари е обвинувана за националистичка и не објективна бидејќи сме развивале национализам со прикажувањето на сонцето од Кутлеш насекаде бидејќи Македонскиот национален идентитет бил комплексен и содржел многу повеќе од античко Македонски идентитет!!!

Сакам на истите тие да им порачам дека Македонците се свесни за својот идентитет и имаат почит кон сите оние кои оставиле свој белег во него од антиката до денес! Проблемот е на тие "левичари" да одлучат што всушност тие сакаат да кажат! Спинувањето на информациите и неоснованото напаѓање не наштетуваат многу на ВМРО-ДПМНЕ и на Груевски но сигурно наштетуваат многу на Македонскиот народ! Затоа би ве замолил следниот пат најпрво да размислите два пати пред неосновано да напаѓате и кудите некого!!!

ЗНАМИЊА НИЗ МАКЕДОНИЈА!

Завчера видов дека на плоштадот Македонија, покрај камениот мост е поставен огромен јарбол од околу 20 - 25 метри на кој се вее државното знаме кое е долго најмалку 5 - 6 метри! Но истото го има и на скопското кале, а ми кажаа дека истото го има и пред Македонското Собрание!!! Исто така на повеќе места низ Скопје има исцртано графити со картата на етничка Македонија и сонцето од Кутлеш во неа, а над неа е напишано МАКЕДОНИЈА ЗАСЕКОГАШ!!! Конечно, да се знае каде живееме!!! Веќе имам напишано еден пост на оваа тема насловен „ДО КАДЕ Е МАКЕДОНИЈА?!!!“ Се надевам дека поставувањето на знамиња но и на споменици и други национални инсигнии ќе продолжи и Македонија ќе го добие изгледот како што навистина треба да изгледа - МАКЕДОНСКИ!!!