Камениот мост на реката Петрошница кај Макреш

Пред неколку дена повторно шетав низ Општина Старо Нагоричане со цел одблизу да го погледнам стариот камен мост на реката Петрошница кај селото Макреш.

Не успеав да најдам точни податоци кога е изграден мостот, но најдов дека во негова близина има античко археолошко наоѓалиште Петриково, но и Макрешки штали.

Mакедонскиот дух не трпи празни олтари - Забел, крик од урнатините на нашата историја

Секој камен на оваа наша македонска земја крие по една приказна, но некои камења кријат цели векови достоинство, писменост и духовен пркос. Едно такво место, скриено во пазувите на Козјачијата, на тромеѓето меѓу Никуљане, Старо Нагоричане и Челопек, е Забелскиот манастир. Место каде што моите предци, но и предците на многумина од нас, наоѓале прибежиште и молитва.

Зборот „Забел“ во нашиот јазик означува густа, заштитена и света шума. Ова место со векови било токму тоа — природен и духовен резерват. Неговата историја не започнува вчера. Неговите корени датираат уште од далечната 1330 година, во ерата на големиот средновековен градителски расцут на Жеглиговскиот крај. Како и судбината на нашиот народ, така и судбината на Забел била маченичка. Манастирот бил пален, уриван до темел и со векови оставан во тишина под османлиското владеење.

Развојот на вештачката интелигенција (AI) – ризици, предизвици и нејзина демократизација

Сѐ погласни се забелешките на експертите за вештачка интелигенција во врска со нејзиниот неконтролиран развој. Вештачката интелигенција секојдневно станува сѐ попаметна и прашање на денови, а не повеќе на месеци или години, е кога ќе ја надмине колективната човечка интелигенција.

Големите светски сили, а пред сѐ САД и Кина, ја предводат битката во развојот на автономни AI модели. Оваа трка се одвива со огромно темпо – нешто што човештвото не го видело досега и што воопшто не може да се спореди со поранешните индустриски револуции.

Заканата не се однесува само на губењето на работните места за огромно мнозинство од човештвото, туку таа е и егзистенцијална за целата наша цивилизација.