Говорот на омраза во Македонските навивачки песни!

Најнова преокупација на експертите по се и сешто, луѓето кои се секогаш тука да ни кажат колку сме ние искомплексирани и мали, колку немаме поим како функционира модерниот и развиен свет, колку сме заостанати зад истиот тој свет и најважно, да ја поддржат сегашната опозиција во сите нејзини активности е Македонската навивачка песна „излези момче горе на тераса“!
Во тој контекст, за оваа песна почитуваниот Роберто Беличанец напиша:

Излези момче право на тераса е шовинистичка, неонацистичка и малоумна навивачка химна. Таа е одличен начин да покаже колку сме забегале и кој се е врзан во навивачките групи кои што ја срамат државата и го намалуваат впечатокот што спортистите го оставаат.
За г-динот Беличанец тоа што македонските навивачи во својата песна пејат за „Гоцева раса“ и за тоа дека „наше ќе биде и Солунско поле“ е шовинизам и неонацизам! Тоа што народот се гордее на својот предок, Гоце Делчев и што опејува етничка Македонска територија е забегано!!! Каде е храбриот Беличанец да реагира на песните и постапките на познатата навивачка група „Балисти“?! Го нема! Како прво не му се таргет група, а како второ, ако чепка таму може да го „изеде помрачина“!

По ова, на почитуваниот му се придружи мојата омилена „новинарка“, личноста која е секогаш тука да ги одбрани човековите права и да ни каже колку е она „ин“, Биљана Секуловска - ИВА! Ива за истата песна иронично изјави:
Навивачката песна - фрустирачка и недоволно амбициозна за оваа раса над расите...
...Песната, сама по себе, и не е така лоша ако подлабоко се анализира, иако вториот дел е незадоволувачки и фрустрирачки, ако се земе територијалното ограничување - Солунско Поле како врв на окупација! Дајте, ве молам, има ли некој маж во оваа држава со посериозна амбиција од освојување на млаката дестинација Солун сосе полиња и пристаниште на некој саат од тука? Одговорот е логичен: тоа е Александар, окупаторот на поголем дел од светот...

За Ива, „сме можеле и многу повеќе“, песната не била „доволно амбициозна“, па можело да бидеме и „поголеми мажи“!

Не знам дали Ива мисли дека овој народ е толку мазохистички настроен, па се пали на таквите навреди или пак е нешто друго во прашање?!

За крај се приклучи и мојот омилен лик од времето кога и јас и таа навистина активно пишувавме на македонската блог платформа blog.com.mk, Мирјана Најчевска! Таа во петокот напиша:
Видете, спортот е супер работа и навивањето и победите. Ама да наречеш некого херој и да дадеш медаља за заслуги за народ????

Ставот на оваа креатура во контекст на се што е Македонско е добро познат, па така да не би сакал воопшто повеќе да ја коментирам!
Да видиме кој е следен, Милчин, Геровски или Жарко Трајановски?! Овие личности гледаат дека државата сеуште никого не осудила за велепредавство и сметаат дека вака ќе можат да тераат до бесконечност, епа ќе видиме до кога!